Jolasaren Beharra

Hona hemen Estatu Batuetako sei nerabeen historiak. Gaztetxoek gero eta ordu gehiago ematen dituzte pantailen aurrean. Jakin badakigu lehenego adinetan haurrak gehien ikasten duten moduan ukitzen, ekiten, kontrolatzen .. azken finean bizitzarekin konexio bat izanda. Ze nolako belaunaldiak heziko dira ez badute naturarekin erlazioa?

Herri Hezitzailea, Eskola Herritarra

HIKHASI jardunaldi interesgarriak antolatu ditu maiatzaren 10 eta 11karako. Bertan FRANCESCO TONUCCI pedagogo italiarra eta Haurren hiria egitasmoaren sortzailea bi egunetan izango da. Jaurdinaldien helburu bat haurrentzako egokiak diren herriak edo hiriak pentsatzeko hausnartzea eta hainbat urrats ematea da.
Informazio gehiago: www.hikhasi.com

AURPEGI TAILERRA

Aurten tailerretan bakarrik (bakarrik?? nonbait irakurri dut bost baino gehiago izatekotan hobe dela errepikatzea) lau talde gara, hori dela eta proposamenak laster bukatzen ditugu. Jadanik taldeak aldatu ditugu, baina aurten proposamenak erabat ez aldatzea erabaki genuen. Horrela ikasleek saio batean izandako esperientziak beste une batetara transferitu ditzake. Proposamen berri honetan, aurrekoan bezala retroproiektorea, errotulagailuak eta beraien erretratuak aurkezten ditugu. Hainbat materialekin bere aurpegiak alda zezakeeten. Haur batzuentzat proposamena interesgarria zen, beste batzuk aurreko saioan egindako ekintzarekin jarraitzen zuten.

Maketa

Indiarrak ttipietan bizi zirela oso argi genuen, baina non bizi ziren bakeroak? galdetu zuen Ikerrek. Ez genekien eta gaiari buruzko liburuetan informazioa aurkitu zuten Anek eta Saioak. Liburua ikusi eta gero Aimarrek beste burutazio bat izan zuen, bakeroen herriren maketa egitea. Binaka egin zituzten etxeak eta zer ziren erabaki (bankua, eskola, eliza, saloia, hotela, korta, jatetxea). Proiektua bukatzeko gurasoak maketa ikustera gonbidatu ditugu. Hau urduria eta poza!!

Ttipiren txokoa

Inauterietarako mozorroak prestatu behar zirela eta, proiektu berri bat hasi ginen: BAKEROAK eta INDIARRAK. Joku sinbolikoaren (sukalde txokoa batzutan edo osasun etxera besteetan) txokoa aldatu da. Orain Ttipiren txokoa da. Indiarrez janzteko eta margotzeko aukera dago; badago ere "zaldi" bat trostan ibiltzeko, "sua" inguruan dantza egiteko eta ttipia, helduen begitik ezkutatzeko eta lagunekin une magikoak partekatzeko.